الخبر السابق
الخبر التالي

وآه يا جدة

اخر قرائه من
اقل من
1 دقيقه
قراءت الموضوع

وآه يا جدة

ديسمبر 27, 2017 - 13:41
التصنيف:

وآه يا جدة

بقلم/ أشرف فريد

ليا جدة مواليد حاجة وعشرين

صوتها رخيم

أحلى ما فيه البحة

ضحكتها جميلة

بس بتخربها الكحة

والوش مشقق زي جالوس الطين

اللي ما شاف المية بقاله سنين

ﻻبتقرا ولا بتكتب

وصاروخ لما بتحسب

مخها حاضر بت الستين

لما تشوفني بتسألني :

لسة ما حررتوا فلسطين ؟

واه ... لساكي فاكرة فلسطين ؟!

وفاكرة القدس ..

وفاكرة الأقصى

وفاكرة صلاح الدين

حاسك والله من مواليد حطين

انسي ياجدة

زمان التحرير ولى وعدا

دلوك احنا في زمان الردة

ارتدينا وعبدنا ترامب

استغفر ربك

توب م الذنب

اسفوخس عليك

سامحه يارب 

بيقولي عبدنا تراب

أنا قلتلك تقلت ودنك ...

سمعك خاب

أنا قلت ترامب تقولي تراب

دا رسول آمن بيه كل اﻷعراب

أمنوا برسالته وبكتابه

ويحجوا لبيته الابيض على بابه

راكعين بيبوسو ف عتابه 

بيصوموا صيامه ويصلو 

 والجزية فرضها عليهم

قبل ميعادها توصلو

طاب قوم فز .

استغفر ربك

اتوضا وصلي

وأنا أموت

الموت أحسن لي

من إن اللعنة اللي صابتكم  توصلي

حلفتك بنبينا محمد بالكعبة وبالقرأن

  حلفتك بالأموات بالأرحام

لتغسلني وتكفني

 قبل ما تدفني

 عليا تصلي صﻻة الإسﻻم

**********

أشرف فريد

26 /12 /2017

0

أخبار متعلقة