ابدأ من جديد ... ... ل... ناهد سند

اخر قرائه من
اقل من
1 دقيقه
قراءت الموضوع

ابدأ من جديد ... ... ل... ناهد سند

مايو 13, 2014 - 14:00
التصنيف:

  

 

 

مهما كان حلمك بعيد مهما كان صعب عنيد،  حتى فى نهاية الطريق ... ابدأ من جديد .

مش حاكمل الأغنية،  بس حاقول لكل واحد وواحدة .. حصل له مشكلة ... دى مش نهاية الطريق،  وكل واحد فى حياته حاجه صعبة .. مش قادر يستحملها ... اصبر شوية وحاتشوف ربنا حايعطيك إيه،  كل ما صبرت ... كل ما  نلت الخير كله ... ده مش كلام وخلاص ... ده عن تجربة ... ربنا عايز يشوفك حاتصبر ولا لأ ... زى اللى داخل امتحان ... بيذاكر الأول شوية،  أهى المذاكرة دى ..هى شوية الصبر،  وبعد كده الامتحان ... اللى هو الضيق الجامد ... عنق الزجاجة اللى بتبقى رقبتك فيه ... ومش قادر تتنفس ... وخلاص حاسس إنك حاتموت .

ده بيبقى أول أبواب الفرج .

 

ماتزعلش أما حد يقولك ابتلاء ... لو تعرف ربنا حايديك إيه بعد الابتلاء ده ... كنت فرحت بكل ابتلاء جالك .

ماتزعلش لما حد يقولك اصبر ... عشان هو صبر وشاف أد ايه نتيجة الصبر حلوة.

ماتزعلش لما حد يقولك إرضى باللى ربنا أعطاه لك ... لأن هو برضه رضى وربنا عوضه .

اصبر على المرض زى ما صبر سيدنا أيوب .

اصبر على أذى الناس زى ما صبر سيدنا يوسف وسيدنا محمد صلى الله عليه وسلم.

اصبر على النقص فى أموالك وأهلك،  اصبر على رزقك ... إنت مش عارف الخير ليك فى إيه .

إنت مش عارف الخير فى الرزق ده ولا فى غيره .

وإيه يعنى أما تصبر سنين .. هو إنت أحسن من الأنبياء .

 

عارف لما تصبر الصبر الجميل اللى مش فيه شكوى ولا لوم لربنا .. ولو عاتبته تستغفر وترضى .

عارف الصبر الجميل ده ... بيجيب كل حاجه جميلة بعده.

جرب وارضى واصبر من غير تذمر ... وإنت حاتلاقى النتيجة .

مش تصبر عشان بس مافيش فى إيدك غير الصبر ... وبعدين تيجى تقول، أنا صبرت وماحصلش حاجة؟

لا ... الصبر الجميل ... مع هدوء النفس ... وحب كل ما يعطيك الله... لأنه من حبيبك .

الصبر الجميل ... مع الرضا ... حايكون جميل فعلاً .

اللهم ألهمنا الصبر على كل ابتلاء ... وعلى كل شئ صعب فى هذه الحياة .