"متخيله" قصيده لـ محمد شتا

اخر قرائه من
اقل من
1 دقيقه
قراءت الموضوع

"متخيله" قصيده لـ محمد شتا

يناير 11, 2017 - 17:26
التصنيف:
0 تعليقات

الشاعر محمد شتا

 متخيله ! 
الذكريات المؤلمة بتنزل الأوزان 
‏زي الرجيم والمشي .. 
وجع الضروس 
لو هاج ميطبش غير بالحشو .. 
والتنضيف ..
انا شفت خلق كتير مرمية جمب رصيف 
رغم ان نظري ضعيف 
انا شفتهم واضحين 
قبل اما تمشي الشمس خلف سحاب 
قبل اما تعلن معظم القنوات عن حقنة التخدير ..
يا قله التقدير 
لِسَّه الغلابة كتير
ومصانع التطبيل 
بتصدر ال أحسنت 
انا شفت دمع عيونهم 
بيلسوع الأسفلت 
والمسؤلين في نعيم .
والدقن للسلاطين / ما عدتش للإنصاف 
ما عدتش للتحريم 
ومفيش أمل في بلاد بتعشق التعتيم .
لِسَّه السجون نافره 
وبتلعن الحاكمين ..
جدرانها ملت مـ الزهق 
والظلم والظالمين ..
يارب يا مطلع تبقي مع المساجين .. 
تبقي مع الضعفاء .
احنا اتهرينا كلام مـ الصفوه والنشطاء .
من عنبر العقلاء 
لـ عقول خلاص خفت 
من مايه خلف سدود 
لـ سدود خلاص جفت
من حاجة كفت بيت 
لـ بيوت ياما استكفت
علشان يعدو اليوم .. بيموتو مـ التفكير 
ويسبوا في الثورات . 
وأفضل انا حاير ..
هل هي دي أحلامنا في يناير .. ؟
#ميدو_شتا 

تصنيفات حرة: 
0